غزہ پر اسرائیل کے وحشیانہ حملوں اور اسرائیل کا بائیکاٹ شروع ہونے کے بعد سے کافی برانڈ اسٹار بکس کو 12 ارب ڈالر کا نقصان برداشت کرنا پڑا ہے۔\nتفصیلات کے مطابق عالمی سطح پر مسلح تصادم اور فلسطین پر اسرائیل کے وحشیانہ حملوں میں نہ صرف ہزاروں شہادتیں ہوئیں بلکہ اسٹار بکس سمیت درجنوں اسرائیلی کمپنیوں کو عالمی سطح پر فلسطین کی حامی قوتوں کی جانب سے شدید ردِ عمل کا سامنا ہے۔\nمعروف کافی برانڈ اسٹار بکس کو کم و بیش 12 ارب ڈالرز کا نقصان ہوا۔ 16 نومبر کو ریڈ کپ ڈے پروموشن کے بعد سے اسٹار بکس کو شیئرز، اور کافی کی فروخت کی مد میں 19روز کے دوران بھاری نقصان ہوا جس سے کمپنی کی مارکیٹ ویلیو 12ارب ڈالرز تک گر گئی۔\n\nتجزیہ کاروں کا کہنا ہے کہ ہالیڈے سیزن کی پیشکش پر نہ ہونے کے برابر عوامی ردِ عمل اور سیلز میں بد ترین اتار چڑھاؤ اربوں ڈالرز کے نقصان کا بڑا سبب ہے جس کی وجہ غزہ پر اسرائیلی حملے ہیں جس سے کمپنی کے مستقبل پر سوالیہ نشان لگادیا گیا۔ \nقبل ازیں اسٹار بکس کے شیئر کی قیمت 115 ڈالرز تک پہنچی تاہم اسرائیل کا بائیکاٹ کیے جانے کے بعد سے قیمت 95روپے 80 پیسے تک گر گئی جو بے حد کم ہے۔ واضح رہے کہ فلسطین کے حامی مسلمان اسرائیلی کمپنیوں کے بائیکاٹ کا مطالبہ کر رہے ہیں۔\n۔\n۔\n۔
