کینیڈا، آسٹریلیا اور نیوزی لینڈ کے وزرائے اعظم نے غزہ میں شہریوں کے تحفظ سے متعلق پریشانی کا اظہار کیا ہے۔\nتینوں وزرائے اعظم نے مشترکہ بیان میں کہا کہ حماس کو شکست دینےکی قیمت تمام فلسطینیوں کی مسلسل تکالیف نہیں ہوسکتی۔\nتینوں ممالک کے وزرائے اعظم نے اسرائیل پربراہ راست تنقید کرنے سےگُریز کیا اور ساتھ ہی حماس سے تمام یرغمالیوں کو رہا کرنے کا مطالبہ بھی کیا جس پر حماس نے غزہ میں جنگ بندی تک یرغمالیوں کی رہائی کا امکان مسترد کردیا۔\nواضح رہے کہ اسرائیل کی جانب سے غزہ پر بربریت جاری ہے اور 7 اکتوبر سے اب تک 18 ہزار 200 سے زیادہ فلسطینی شہید اور 50 ہزار زخمی ہوچکے ہیں۔\nاسرائیلی فوج نے آج شمالی غزہ اور خان یونس کے اسپتالوں کے اردگرد بھی بمباری کی، شمالی غزہ کے رہائشیوں کو دوبارہ انخلا کا حکم دیا گیا ہے۔\n۔\n۔\n
